Elena Chazal Playán. Nacida a Estadilla (Uesca) en 1960. Ha centrau la suya producción literaria en la llengua materna que ha charrau dende nina en el seno familiar, encara que tamé ha publlicau bels libros en castellano, entre ellos el poemario Atmósferas (2011) u el ensayo Carrodilla (2013).

Ha recibiu varios premios literarios en aragonés: Villa de Sietemo con el poemario Tinta de glárima (1999). Villa de Lo Grau con el relato Birli birloque que torne Roque (2002), “Cleto Torrodellas “ d’Estadilla con el relato Ixa pena que afoga (2003) y Condau de Ribagorza con el relato Los dos hermanos (2006) y con el poemario Lluminetas (2013).

En 2005 publica la primera novela Lo que mai no s’ olbida, de la que s’han feito dos edicions en aragonés y una en castellano.

Ha siu guionista del documental Visions d’una llengua, l’ aragonés de la Ribagorza (2006), y libretista de la ópera Martina (2016), las dos d’Aurelio Bardaxí. En 2009 publica Cuentos de la lluna en mingua.

En 2016 publica l’estudio: Bernabé Romeo (1841-1916), obra en aragonés ribagorzano, chunto a Xavier Tomás y Chusé Raúl Usón. En 2018 vei la lluz la obra de teatro Los tres Piñol.

En 2022 recibe el premio de novela curta Ziudá de Balbastro con la obra Quan tornen.

En la actualidat remata d’ubrir el canal Poesía en red (2025) a Youtube en el que reculle poemas suyos en castellano y en aragonés, recitaus y mosicaus con el apoyo de las zagueras tecnologías.