FÉLIX A. RIVAS (él). Naixiu de Zaragoza en 1972, fa tiempo tornó ta lo lugar d’as suyas radices por parte de pai, en a ribera d’a Huerva. Ye pai d’una filla, parella d’una muller, fillo, chermano, tío, amigo d’as suyas amigas, cooperativista y companyero de chent empenyada en transformar lo mundo. De profesión etnografo y facilitador de procesos, l’apasionan as dinamicas colectivas, las identidaz y los cuerpos/territorios.

Odia lo faixismo, las faixas en os libros y las moscas en casa suya. L’agrada dormir, caminar, los abrazos, y bailar.

Se siente a saber-lo más lector que escritor. Ha publicau alto u baixo una vintena de libros, la mayoría sobre Patrimonio Cultural Immaterial. No sabe cuántos libros ha leyiu. De mena literaria y en aragonés, va publicar en 1995 lo cuento infantil ilustrau Iguázel un diya enzetó ro suyo biache. Igual como Clara, escribe pa aprender y pa querer una mica millor. A vegadas acaba lo día escruixinau, u piensa que puede amagar-se de tot solo que tapando-se los uellos, lo mesmo que le ocurre a Ánchels.