Sinopsis

En os sieglos XVI y XVII esistió un curioso chenero literario y pedagochico que, inspirato en os epigramas morals d’Orazio y d’atros autors clasicos, meteba en combinazión sentenzias de filosofía etica, poemas esplanicaders y gravaus ilustraders. Uno d’os más empoderables libros d’emblemas estió o publicado en 1612 por Otto Vaenius en Anvers, con epigramas en castellano, franzés, italiano y neerlandés. A traduzión que en fa Miguel Martínez Tomey da notorio d’as capazidaz d’ista luenga ta equiparar-se a ra riqueza espresiva propia d’os millors poetas en castellano d’o Siglo de Oro.