Libros de Pocha
96 pax.
|
Antoine de Saint-
Exupéry, morió en 1944, pero con a suya curta bida podió
apercazar-mos con os ligallos d'a suya prenzipal falordia, falordia que
sin estar moralista y dende a replecanza como exe prenzipal, fa que siga
unos d'os autors mudernos que ha aconsiguiu dentrar en os conzeutuatos
como clasicos.
3 ena. edizión
rebisada Edizión en color O prenzipet:
|
94 pax.
|
Franz Kafka. Con a
suya obra y más que más con ísta enzertó a tarabidar
una d'as obras más siñaleras d'a literatura mundial. Obra
estrania y orixinal en a que mos arrulla t'a cara un ombre cualsiquiera, que
por casolidá se clama Guergorio, capuzau de botiboleyo en un mundo
que li ye alleno. Rebellar un diya....
Autor: Franz Kafka
|
107 pax.
|
En Woody Allen son
muitos os esquemas que se repiten, pero en ista obra podemos trobar-ie cuasi
toz: sicoanalís, secso, medrana, timidez, risos... y un contra-mito
como fegura petona y ya prou adempribiada drento d'a soziedá. Allan
Fix, presonache encarnau por Woody, fiero, depresibo-soniador que amenista...
Autor: Woody Allen
|
166 pax.
|
Güei, dimpués
d'un sieglo d'a suya publicazión, Alizia tien una bixenzia total.
A subersión prauticada por Carroll fa que trespasemos o mirallo y
bi asistamos a las metamorfosis d'Alizia en un rimallo d'aizions y situazions
imberosimils an l'onirico trenca a muga d'o posible, sin de leis ni de normas
y con una negazión radical d'o mundo reyal.
Autor:
|
86 pax.
|
Talmén Réquiem
ye obra más unibersal d'a literatura aragonesa y ha contrebuyiu a
espardir os feitos sanguinosos d'a guerra zebil en un lugarón d'Aragón.
Mosen Millán s'apresta ta ufrir una misa de sufraxio por l'alma
d'un choben afusilau. A remeranza de Mosen mos rezenta en un esbrunze a
suya partizipazión en a bida y muerte de Paco d'o Molín.
Autor: Ramón
J. Sender
|
198 pax.
|
Peter Pan ye a maxica
falordia d'un nino que no aima crexer. Mito d'o nuestro sieglo, a metá
camín entre un cuento de fadas y d'abenturas, Peter Pan, Wendy,
John y Michael, bolan ta o País de Garra Bez do i fan reyalidá
os suenios infantisl y an no pueden mancar os Piratas -con o suyo capitán
Garrancha-, os Indios, as Marinas u Maretas, as Fadas...
Autor: J.M. Barrie
|
93 pax.
|
Antonio José Bolívar ha bibiu entre os shuar u xibaros y l'han amostrau a beyer o mundo dende atra perspeutiba. A dureza d'a selba, mai y mayastra, constrastan con a terneza d'iste lolo que aprendió a leyer en metá d'a selba ta benzer a soledá, ta replecar o bueno d'o mundo y ... ta leyer nobelas d'amor, d'as que dixan bibir en malinconía. Iste libro ye un alegato esclatero d'a bida prexinada como bella cosa más que chen y l'esbellurze industrial, ye un chilo debán d'o ruello esclafador de sers bibos. Autor: Luis Sepúlveda
|
160 pax.
|
A plebia amariella
ye o zeño d'a memoria, a cronica solitaria d'una muerte anunziada,
un brutal dispertar a una situazión repetida milenta de begadas,
un esturrufador episodio d'os nuestros lugars, una puenda entre a bida y a
muerte y más que más a recuperanza d'os monologos d'os que se
i quedón. Iste libro traduziu a muitas luengas y con milentas de exemplars
bendius ye un retallo bibo d'a nuestra más rezién istoria.
Nuestra, buestra y d'aquel: d'Ainielle, Mequinenza, Crespol, Vegamián,
de toz os lugars de toz os puestos. Autor: Julio Llamazares
|
120 pax.
|
En 1943 Orwell escribiba
una parodia d'o stalinismo y por ixo tenió que benzer bellas dificultaz
ta poder-la editar. Sin dembargo Rebelión... ye un estrolique contra
as corruzions y autoritarismo y o suyo mensache, por a propia tematica,
resulta autual y guallardo. As ambizions y concaramientos fan que fracasen
as reboluzions, la d'a nobela y atras muitas. Si 1984 estió cuasi
profetico en Rebelión... plasmó unos feitos que se ban chirando
pero no cambeando, podemos dizir-ne que ye una alegoría biba.
Autor: George Orwell
|
360 pax.
|
L'antiga billa de
Mequinenza ye l'exe por an chira l'uniberso d'iste autor que ye estau traduziu
a un puyal de luengas y que ye o masimo esponén d'a literatura en
luenga catalana. Ista nobela no ye a istoria de Mequinenza d'o zaguer sieglo,
pero li se parex tanto! Autor: Jesús
Moncada
|
192 pax. |
A fragor de l’augua ye un libro de relatos que amana a o leutor ta un
espazio cheografico –a redolada d’o Mayestrau aragonés– dende un lugar
prexinau que se diz Crespol, y ta un tiempo y una soziedá –as añadas
de posguerra y franquismo– carauterizada por l’esodo rural y l’albandono
de masadas y lugars. Una soziedá y una forma de bida afogada por a
represión y o caziquismo y farchada en os polius paisaches d’as sierras
d’o sur d’Aragón que, ya en ixas añadas, yera en as tres pedretas.
Un conchunto de relatos enreligaus en un territorio, con un zarpau de presonaches
enradigaus en un paisache con a fragor –u a remor– de l’augua como mosica
de fundo.
Autor: José Giménez Corbatón tradutor: Pascual Miguel Ballestín |