Sinopsis

Chil, o torrero de Ham, ye un poliu contet rebutién d'umor, ironía y d'umildá deban d'os soberbiosos. Ye tamién a reconquesta de l'onor d'as clases más baxas, a descrizión d'os detallos más simples y buedos d'una bida senzilla alterada por un fautor estranio y percutidor. No i cretica ni o poder ni a caballería, anque sí que lis fa "un repaso" y bi cala elementos tan reyals como a bida mesma con o can Garm y sin deseparar-se d'os mitos y apachamientos d'o mundo mitico con o reyal, ateserau con la frescor narratiba que carauteriza toda la suya obra. 

Gara d'Edizions ha quiesto, con Finestra Batalera, empezipiar una colezión de libros an se publicarán tetulos ya clasicos que exerzan d'antidotos debán d'os reality shows, dirty realism y atros, que son una menaza y un periglo ta la Fantesía. S'amenistan xaringazos d'imaxinazión y metaforas cuasi poeticas ta que a "Emperatriz Infantil d'o Reino de Fantesía" de Michael Ende no se sulsa.