Autor d'o libro, en chunto con Pascual Miguel, d'o Dizionario aragonés de terminos cheograficos editado en Gara d'Edizions. De formazión autodidauta ye estau o tradutor ta l'aragonés d'A Plebia amariella, antimás de monitor de numbrosos cursos y charradas sobre luenga aragonesa y cultura tradizional, lebando más de meya bida nabesando lo territorio aragonés, correchindo mapas topograficas y replegando informazión onomastica, toponimica y cultural de toz os puestos que besita. Fruito d’iste treballo ye un granizo archibo toponimico, que luego se dará a conoxer; una luenga nomina de libros y publicazions, más que más relazionaus con o senderismo y atros esportes de montaña. Como exemplos más siñalers tenemos o GR 18 Senderos de Ribagorza y muitas mapas topograficas d'Aragón, d'as que a más emponderada ye a 1:25.000 d'o Parque Nacional de Ordesa y Monte Perdido, editada por Prames y l'IGN. Ye estau miembro d'o consello de redazión de La Magia de Huesca y La Magia de Aragón, y ha feito colaborazions en Diario del Altoaragón. Ye miembro de l'equipo de Gara d'Edizions.