RELOCH DE POCHA

        ye una nabata de cuatre trampos feita només que con  parolas. Parolas de buen coral, ixo sí, pero només que parolas.
Reloch de pocha ye un sobrebuén exerzizio d’impostazión narratiba e tamién lingüistica. Ye un relato narrato en primera presona en o que un presonache naxito en o Sobrarbe de metaz de o sieglo XIX ?pastor, nabatero, marino e combatién? nos reconta o suyo biache bital arredol de o mundo e de a suya luenga.
Reloch de pocha ye un reloch que á begatas fa la tana, que s’abanza, se retarda e mesmo s’atura en bels intes, requedando-se en cuatre momentos muito concretos de as esperenzias bibitas per o protagonista: o treballo e a cultura popular perinencos, a estacha en o barco d’uns naturalistas franzeses, as combersas con o lingüista Saroïhandy e a reculada de Bielsa con a que se zarra la nobela.
Reloch de pocha ye a istoria d’un presonache anonimo, sin de nombre, e de a suya chicota luenga ?l’aragonés? que ya encomienza á tener-la.

Premio de Nobela Curta Ziudá de Balbastro 2006.

 
 

CHUSÉ INAZIO NABARRO

Naxió en Tauste o 30 de nobiembre de 1962 (o mesmo día que morió Fernando Pessoa, pero bellas añatas dimpués). Ye poeta e narrador, e lizenziato en Filolochía Ispanica per a Unibersidá de Zaragoza. Ye profesor de Luenga e literatura castellanas en Balbastro. Ya l’autor más galardonato en luenga aragonesa. En l’autualidá ye Presidén de o Consello d’a Fabla Aragonesa.
Ha publicato bels libros de poemas: A pelleta entre as barzas (“II premio literario Val d’Echo”, 1983); O mirallo de chelo (Premio Ana Abarca de Bolea, 1985); A balada de o choben Billy (“I premio literario Billa de Sietemo”, 1994); En esfensa de as tabiernas y atros poemas (1998) y Sonetos d’amor e guambra (Premio Ana Abarca de Bolea). En 2001 a Deputazión de Zaragoza li atorgó o Premio Pedro Saputo.
En prosa ha publicato: Astí  en do l’aire sofla ta sobater as fuellas de os árbols (Premio Arnal Cavero 1989); Tiempo de fabas (1997). Chuan Galé (o cuaderno de tapas royas), (2003).
Antimás ye autor d’una serie de cuentos e testos breus publicatos en libros coleutibos: Prebatina d’una falordia sin de fadas ni nanez (“III premio literario Val d’Echo”, 1984), A lifara ( “I premio literario Bal de Xalón”, 1988), Triptico de os tiempos de a postema (En Nuei de tiedas, 1999), Con as fuellas contatas como as balas (En Desde aquí, 1999), Renaximiento (En Zaragoza, de la Z a la A, 2003) e Os cuatre cantos de o cuculo ( En La torre de papel, 2003).

ALAS DE PAPEL. Gernika, 1937
 (EN IMPRENTA)
       Gernika estió a primera ciudat d’a historia que estió emplegada como campo de prebas d’un bombardeo masivo d’aviación sobre población civil. Alas de papel. Gernika, 1937, ye una novela curta que trata de revivir en a persona de un zagalón chobenardo lo que estió o sufrimiento d’o bombardeo drento d’a bastida d’o que yera a vida escolar, de relacions humanas y familiars, a vida social y cultural d’a villa de Gernika en ixes diyas.
Sobre un contexto historico decumentau, tanto en os detalles militars, socials, historicos l’autor ha feito una tiradaina de presonaches de culicaiga, entrefilaus en un leito de  vivencias aportadas por familiars suyos que vivión a postguerra y vivencias presonals d’a infancia ta fer-los vivir en ixe momento historico con todas as suyas ilusiones, aficions, entusiasmos, pasions, tarranturas, aproveitando ta reflexar a vida cultural y social de Gernika en aquels tiempos y os pensamientos y reflexions d’as presonas que sin pensar en a guerra como tal la teneban tan cerca y tan leixos de vez.
Alas de papel. Gernika, 1937, ye una novela historica ambientada en a Guerra Civil Española recreyando personaches con vida propia ta ubicar a o lector en un contexto an que complegan vidas presonals, sentimientos y vivencias de os presonaches con detalles historicos y socials d’o tiempo d’a novela.

Premio de Nobela Curta Ziudá de Balbastro 2010.